Presidenti i Shteteve të Bashkuara tha se Kuba po përjeton një krizë të thellë ekonomike dhe se ndryshimet politike në ishull është e mundur të ndodhin në një të ardhme të afërt.

Donald Trump për Politico nënvizoi se administrata amerikane ka shtuar presionin ndaj Kubës, përfshirë shtrëngimin e sanksioneve dhe kufizimeve në furnizimet me burime energjetike.

Faktori kyç, sipas tij, ka qenë kriza ekonomike, e përkeqësuar nga ndalimi i furnizimeve me naftë nga Venezuela, duke shkaktuar probleme serioze me karburantin dhe energjinë në vend.

Zhvillimet e fundit nga përplasjet ushtarake në Lindjen e Mesme

Trump tha se kjo situatë ka ndodhur për shkak të ndërhyrjes së tij, e cila “ndaloi të gjithë naftën dhe paratë” që vinin nga Venezuela.

Ai gjithashtu theksoi se “regjimi armiqësor në Kubë nuk do të zgjasë shumë”.

Ndryshe, SHBA-ja dhe Izraeli po vazhdojnë me intensitet të lartë të bombardojnë objektiva të regjimit iranian. /Telegrafi/